Poesia classica napoletana

Archivio autore

• 'O rrau'

• Io vulesse truva' pace

Dint' a butteglia

n'atu rito 'e vino

è rimasto...

Embè

che fa

m' 'o guardo?

M' 'o tengo mente

e dico:

"Me l'astipo

e dimane m' 'o bevo?"

Dimane nun esiste.

E 'o juorno primma,

siccome se n 'è gghiuto,

manco esiste.

Esiste sulamente

stu mumento

'e chistu rito 'e vino int' 'a butteglia.

E che ffaccio,

m' 'o perdo?

Che ne parlammo a ffà!

Si m' 'o perdesse

manc' 'a butteglia me perdunarria.

E allora bevo...

E chistu surz' 'e vino

vence 'a partita cu l'eternità!