|
E' Natale
tutte 'e juorne
quanno friddo,
famme e scuro
nun te
mettono paura...
quanno siente
ca sta panza
nun te porta
cchiù lagnanza...
quanno 'nfaccia
a nu turmiento
nun te smove
manco 'o viento...
E' Natale
tutte 'e juorne
quanno
affierre ca 'e penziere
nun so' tale
e quale ajere...
quanno canta
a tutte l'ore
e ogne croce
dà calore...
quanno 'o
suonno nun fa 'a notte
e nun triemme
'nnanz'a morte...
E' Natale
tutte 'e juorne
quanno
abballe, quanno rire,
quanno 'a
vita è comme 'a crire...
quanno 'a
capa nun sbarea,
quanno 'o
core s'arrecrea,
quanno chiove
e nun te 'nfunno,
e l'ammore è
tutto 'o munno...
E' Natale
ogne jurnata
si tu stai cu
'e furtunate...
ma 'o Natale
è cosa 'e maje
si si nato
miezo 'e guaje!
E pe' chesto
ca ie vulesse
nu Natale c'o
'nteresse
pe' chi tene
l'aidiesso
pe' chi 'a
famme è nu pruciesso
pe na vita ca
malata
sbatte e
scarta sta nuttata
pe criature
abbandunate
p'e perzone
ca so' sole
ca stu sole
ha maje scarfato...
e pe' te ca
tiene tanto
e te bive sta
jurnata
comme fosse
limmunata.
AUGURI,
guagliò:
Accunciammo
sta jurnata?
|
