|
Me mitte Napule dint'e canzone
Me mitte Napule dint 'e canzone
dint’a stu spasso ca è tiempo
latrone!
Cante e nun siente 'e lamiente
d'a gente
ca sconta 'a vita spesata c'o
niente
e dinto a stu juorno caino e
cchiù avaro
s'assecca ‘a mano ca poco
arrepara
e va perdenno pe' strata na luna
ca scenne e saglie e nun penza a
nisciuno.
Me mitte Napule dint'e canzone,
cantanno 'e solite tre jacuvelle:
sole, passione e femmene belle...
e po' te scuorde 'a paura 'e na
mamma
ca pe' nu figlio è turnata a fa
'a famma,
e po' annascunne 'o turmiento ‘e
na sciorta
ca va sfrattanno chest'aria
sfruntata
ca pe 'ntramente se 'nchiova addò
è nata.
Me mitte Napule dint'e canzone...
nu cielo sfatto ca è privo 'e
scarfà,
nu core antico ca sbatte p'e
viche
cercanno storie ca ponno 'mbriacà
duie uocchie nire abbampate a fa
l'ore
ca stanno appise a sti file cu 'e
panne
e ca sti vracce so' pronte a
scamà.
Me mitte Napule dint'e canzone
ma nunn'e sente nè 'e voglio
sentì.
Ie nun t'e canto, ie nun t'e
sono...
Voglio surtanto ogne tanto capì
pecchè cu l'onne nun cagne 'o
mutivo
e nun me cante: "Ie sto bbuono
accussì,
cu chesta vita ca ha perzo a'
speranza,
cu chesta rraggia ca volle int'a
panza,
cu sta città ca accisa 'e fatica
chiù nun s'addorme e te scaca
‘a furmica."
Me mitte Napule dint'e canzone
e mente cante s’abboffa 'o
penziero
e sotto 'o sole s'addorme cu
ajere
e dint'o suonno se sente 'e dannà
pe chisti guaje ca vulesse
sfrattà.
Me mitte Napule dint'e canzone
cu tutta 'a freve, cu tanto 'e
passione...
E allora... cante e fallo 'ntunato
basta ca schiatta sta mala
nuttata!
|
