(a Filippo Giordano Bruno)
E sento sotto ‘o friddo ‘e chesta
mano
nu core ca s’abbruscia pe’ sapè
e tu ca rieste sempe nu nulano
me guarde e m’addimmanne chi e
pecchè…
E ‘a vocca ca nun dice na parola
‘ncoppa a sta terra santa ancora
‘ntrona
e ie ca so’ nu figlio ‘e chesta
scola
te segno e attenno allero ll’ora
bbona…
E ‘o tiempo ca vulesse cancellà
sti juorne ca so’ tutte
‘mpertinente
me conta ca sul’isso po’ ‘mparà
sta chiocca ca se regne
stantemente…
E ‘a penna ca t’ha fatto
cumpagnia
scrivenno ‘ncoppa a carta e dint’a
ll’aria
me mosta puntualmente chella via
ca scorre troppo ‘nfam’e
sulitaria…
E ‘a gente guarda ‘o cielo c’a
speranza
ca ‘o sole mette ‘a vesta cchiù
lucente
p’o munno ca stipato int’a una
stanza
cecato nun canosce e nun ce
sente.
E tu ca sì nu masto ‘ncantatore
te mitte a ricamà miez’a sta
chiazza
nu suonno ca se ‘ntrocchia cu l’ammore
cercanno ‘e fa scetà sta bella
razza.
|