Biato chi è cuntento
pure si ‘o sbatte ‘o viento.
Biato chi mo’ chiagne
ca po’ dimane sfragne.
Biata ‘a pecurella
c’astregne sti manelle
pecché ‘ncopp’a na tavola
s’a magnarrà ‘o diavolo.
Biato chi ‘a giustizia
s’addona ca è malizia
e aspetta e spera ancora
ca more ‘a mangiatora.
Biato chi perdona
mente chi canta sona.
Beato ‘o favurito
ca vene senza invito
pecché facenno ‘o fesso
‘nce trase espresso espresso.
Biato chi c’o core
te spanne ‘o poco ‘e addore
pecché po’ t’arravoglia
e pure ‘a chiocca ‘mbroglia.
Biato chi p’a pace
t’appiccia na furnace
pecché sarrà chiammato
‘o figlio ‘e Dio lodato.
Biato ‘o mpupazzato
Biato ‘o furtunato
Biato chi te sfotte
chi dorme sulo ‘e notte
Biato chi supporta
‘a vita e pure ‘a morta.
Biata ‘a verità…
Llà ‘ncoppa ce starrà?
|