|
So' Carmela 'a mezapelle
na medusa ‘e Lentiscelle
ca giranno pe' stu mare
va cercanno nu riparo…
So' ‘mpicciosa e strafuttente
e me piace ‘e ‘nzurdà ‘a gente.
Sporca merca e vummecosa
so' 'nzevata e so' rattosa
e si trovo nu cuncierto
sono e canto a culo apierto.
Stammatina dint'a l'acqua
cu stu sole stralucente
doppo n'ora fatta ‘e stiente
l'aggio visto gruosso a galla
(era, gente, nu tarallo)
e cu tanto ‘e frennesia
me so' detta: “Chesta è’a via!"
e mettennece curaggio
me so' fatto ‘o meglio assaggio…
Era overo nu purtento
ma aggio perzo quacche dente...
Era frisco bello e tuosto
ma sta sciorta troppo costa!
Mo' so' tutta lesiunata
ma me songo cunzulata!
Mo' so' tutta ammullacchiata
ma m'é parzo na sceriata!
Mo' so' tutta rimbambita…
Che vulite? Chesta è ‘a vita!
|
