Auguri a chi è pezzente
Auguri a chi nun sente
Auguri a chi ce sente troppo
bbuono
e assieme ‘o lampo t’annasconne
‘o tuono.
Auguri a chi sapenno ‘a verità
se ‘nchiude ‘a vocca pe n’a fa’
sciatà
Auguri a chi sbarianno dint’a
sacca
s’addona ca è nu juorno furtunato
pure si ‘a mano sta int’a sacca
‘e n’ato
Auguri a chi se magna ‘e sorde
nuoste
e tene ‘o pietto ‘o culo e ‘a
faccia tosta.
Auguri a chi è cuntento ‘e sta cu
nuie
e a chi trasenno ‘e renza se ne
fuie
Auguri a chi vasanno ‘o
cumpariello
se porta appriesso lacreme e
curtiello
e a chi annascuso areto a na
canzone
‘e quacche ‘mpacchio enno’o
cicerone.
Auguri a chi s’agguazza tutt’a
vita
e a chi nun joca manco na partita
Auguri a chi è criaturo dint’o
pietto
e a chi se torce ‘e freve ‘ncoppa
‘o lietto
Auguri a chi è cecato pe’
scummessa
e a chi se scanza famma e
perepesse.
Auguri a chi è scetato
a chi ha munnato
a chi ‘a fatica pare na cundanna
a chi se cerca e trova n’ata
banna
a chi arrevota ‘o munno
a chi squaquiglia ‘nfunno
a chi l’ammore face sparpetià
a chi manco nu sordo vò caccià…
E auguri a te ca ogge sì nu rrè
pecché nisciuno maje è meglio ‘e
te
e auguri a chesta penna
schiattigliosa
ca miez’a vuie se crede na
sciantosa.
Speranno ‘e ce sentì pe’ l’anno
appriesso
‘e riffe e raffa ve saluto ‘o
stesso.
|