Note e Versi Meridiani

Malafemmena

di Antonio de Curtis (1951)

Gaetano Esposito "Tentazione", 1883, Napoli, Museo Pignatelli

Giacomo Rondinella canta la meravigliosa canzone scritta da Totò

Si avisse fatto a n’ato

chello ch’e fatto a mme,

st’ommo t’avesse acciso,

e vuò sapè pecchè?

 

Pecchè ‘ncopp’a sta terra

femmene comme a te

nun ce hanna sta pè n’ommo

onesto comme a me!…

 

Femmena,

tu si na malafemmena…

chist’uocchie ‘e fatto chiagnere..

lacreme e ‘nfamità.

Femmena,

si tu peggio ‘e na vipera,

m’e ‘ntussecata l'anema,

nun pozzo cchiù campà.

 

Femmena,

si dolce come ‘o zucchero

però sta faccia d’angelo

te serve pe ‘ngannà…

Femmena,

tu si ‘a cchiù bella femmena,

te voglio bene e t’odio,

nun te pozzo scurdà.

 

Te voglio ancora bene,

ma tu non saie pecchè,

pecchè l'unico ammore

si stata tu pe me…

E tu pe nu capriccio

Tutto ‘e distrutto, ojnè.

Ma Dio nun t’o perdone

Chello ch’e fatto a mme!…

 

Femmena,

si dolce come ‘o zucchero

però sta faccia d’angelo

te serve pe ‘ngannà…

Femmena,

tu si ‘a cchiù bella femmena,

te voglio bene e t’odio,

nun te pozzo scurdà.

 

Centro Culturale e di Studi Storici "Brigantino - il Portale del Sud" - Napoli e Palermo admin@ilportaledelsud.org ®copyright 2009: tutti i diritti riservati. Webmaster: Brigantino.

Sito derattizzato e debossizzato