Poesia classica napoletana

Archivio autore

• e allora bevo

• Io vulesse truva' pace

'O rraù ca me piace a me

m' 'o faceva sulo mammà.

A che m'aggio spusato a te,

ne parlammo pè ne parlà.

Io nun songo difficultuso;

ma luvà mmel' 'a miezo st'uso.

Sì, va buono: cumme vuò tu.

Mò ce avéssem' appiccecà?

Tu che dice? Chist' 'e rraù?

E io m' 'o mmagno pe' m' 'o mangià...

M' 'a faje dicere na parola?...

Chesta è carne c' 'a pummarola.