Scetateve, guagliune 'e malavita, ca è 'ntussecosa assaie 'sta serenata: i' songo 'o 'nnnamurato e' Margarita, che è 'a femmena cchiù bella d' 'a Nfrascata! L'aggio purtato 'o capo cuncertino, p' 'o sfizio 'e me fa' sentere 'e cantà... M'aggio bevuto 'nu bicchiere 'e vino pecché stanotte a voglio 'ntussecà... Scetateve, guagliune 'e malavita! E' accumparuto 'a luna all'intrasatto pe' lle dà 'o sfizio 'e me vedé distrutto: pe' chello ca sta femmena m'ha fatto, vurria c'a luna se vestesse 'e lutto... Quanno se ne venette a' parta mia, ero ' cchiù guappo 'e vascio 'a Sanità.. Mo' c'aggio perzo tutta 'a guapparìa cacciatemmenne 'a dint' ' a suggità... Scetateve, guagliune 'e malavita! Sunate, giuvinò, vuttate 'e mmane, nun v'abbelite, ca sto bbuono 'e voce: i' me fido 'e canta fino a dimane, i' metto 'ncroce a chi m'ha miso 'ncroce... Pecché nun va cchiù a tiempo 'o mandulino? Pecché 'a chitarra nun se fa sentì? Ma comme! Chiagne tutto 'o cuncertino addò che avesse chiagnere sul'ì! Scetateve, guagliune 'e malavita! | 
